Ռուսաստանը Թուրքիային քննադատել է Իդլիբի հարցում համաձայնությունն ամբողջությամբ չիրականացնելու համար

Ռուսաստանի արտաքին գործերի նախարար Սերգեյ Լավրովը քննադատել է Թուրքիային` Իդլիբի հարցում Ռուսաստանի և Թուրքիայի միջև ձեռք բերված համաձայնությունն ամբողջությամբ չիրականացնելու համար. հայտնում է diken.com.tr կայքը:

Նա Թուրքիային կոչ է արել հետևել Իդլիբի հարցում ձեռք բերված համաձայնությանը և նշել. «Թուրքիայի հետ համաձայնեցված հրադադարի ռեժիմը վերահսկելու ուղղությամբ կարևոր է թույլ չտալ ահաբեկչական ներկայության ավելացում: Թուրքիան զինաթափված տարածք ստեղծելու և գրոհայիններից ու ծանր զենքերից ազատվելու դրույթներն ամբողջությամբ չի իրականացրել»:

Անցյալ տարի Ռուսաստանը և Թուրքիան պայմանավորվածություն էին ձեռք բերել Սիրիայի հյուսիսարևմտյան շրջանը հստակ ժամանակահատվածում զինաթափելու վերաբերյալ: