Թուրքիայում մեծացել է Ռուսաստանի ու Չինաստանի նկատմամբ վստահությունը, իսկ ԱՄՆ-ի նկատմամբ` նվազել

Ամերիկյան «Գելափ» հետազոտական կազմակերպությունը երկրի ղեկավարության հանդեպ վտահությունը պարզելու նպատակով հարցում է իրականացրել տարբեր երկրներում:

Ըստ կազմակերպության` անցյալ տարի, Կամբոջայից հետո, ամենամեծ դժգոհությունն ԱՄՆ ղեկավարության հանդեպ ունի Թուրքիան: Թուրքիայում հարցմանը մասնակցածների 14 տոկոսը դրական է գնահատել ԱՄՆ վարչակազմի գործունեությունը, 73 տոկոսը` բացասական, 13 տոկոսը չի կողմնորոշվել: Թուրքիայում Թրամփի քաղաքականության նկատմամբ անվստահությունը, անցյալ տարվա համեմատ, աճել է 13 տոկոսով:

Հոգևորական Էնդրյու Բրանսոնի ձերբակալության, ԱՄՆ-ի` Սիրիայում քրդերին աջակցելու, Ֆեթուլլահ Գյուլենի արտահանձնման հետ կապված տարաձայնությունները վերջին շրջանում թեժացրել են երկու երկրների հարաբերությունները. հաղորդում է  BBC-ի թուրքական կայքը:

Ըստ «Գելափ»-ի` Թուրքիայում Ռուսաստանի և Չինաստանի նկատմամբ վստահությունը, 2017 թ. համեմատ, աճել է 10 տոկոսով: