Կարող ենք գերանդին առնել և ամբողջ պետական համակարգը աջ-ձախ հնձել, բայց դրա պատճառով կառաջանան հետևանքներ, որոնք տասնյակ տարիներում հնարավոր չի լինի լուծել. Փաշինյան

Կառավարությյան այսօրվա նիստում որոշում կայացվեց, որ դատավորները և Բարձրագույն դատական խորհրդի անդամները ներառվել ու են սոցիալական փաթեթի շահառուների շրջանակում։

Վարչապետը նշեց, որ որքան էլ ունենան վերապահումներ, այս ճանապարհով պետք է գնան, քանի որ սրանով քայլ են անում` լուծելու ոչ միայն դատավորների խնդիրները, այլև քաղաքացիների և երկրի:

«Մենք հնարավոր բոլոր  պայմանները պետք է ստեղծենք, որ դատավորներն օբյեկտիվորեն սրա-նրա ձեռքին նայելու մեծ անհրաժեշտություն չունենան: Մենք խստորեն պետք է պայքարենք կոռուպցիայի և ապօրինի որոշումների դեմ, բայց այս խնդիրների ծագման սոցիալական բաղադրիչը պետք է նեղացնենք։ Այս կարգի որոշումները պոպուլյար չեն և չեն էլ կարող լինել, բայց այս տարի կայացրած որոշումներով պետպատվերից օգտվող քաղաքացիների շրջանակը մեծացվել է 250 հազարով»,- ընդգծեց նա։

Փաշինյանը նաև հավելեց` պետական կառավարման համակարգի գրավչությունը որակյալ աշխատուժի համար պետք է բարձրացվի, քանի որ այդ որակից է կախված քաղաքացիների կյանքի փոփոխությունների որակը և արդյունավետությունը: «Կարող ենք գերանդին առնել և ամբողջ պետական համակարգը աջ-ձախ հնձել, բայց դրա պատճառով կառաջանան հետևանքներ, որոնք տասնյակ տարիներում հնարավոր չի լինի լուծել: Պետական կառավարման համակարգը և պետությունը զգայուն են մարդու օրգանիզմի համար, և ճիշտ չախտավորված բուժումներ նշանակելը մահացու հետևանքների կարող է բերել»,- ասաց նա։