Ապագայում գուցե անցնենք երկկուսակցական համակարգի. թուրք քաղաքական գործիչ

Նոր համակարգի ենք անցել, պետք է աստիճանաբար ամբողջ դաշտը հարմարեցնենք դրան. CNN Türk-ին տված հարցազրույցում, պատասխանելով հարցին, թե ինչպես են ազդում քաղաքական դաշինքները քաղաքական կյանքի և կուսակցությունների վրա,  ասել է Թուրքիայի իշխող «Արդարություն և զարգացում» կուսակցության փոխնախագահ Նուման Քուրթուլմուշը:

«Այս պահին մեծ թվով քաղաքական կուսակցություններ կան: Չնայած դրանց քվեների հարաբերակցությունը շատ փոքր է, միևնույն է, նրանք Թուրքիայի տարբեր վայրերում կազմակերպություններ ունեն: Գուցե ապագայում երկկուսակցական համակարգի անցնենք: ԱՄՆ-ում շատ կուսակցություններ կան, բայց երկուսն են հայտնի: Այդպիսի համակարգին անցնելը մեզնից երկար ժամանակ կպահանջի»,- նշել է նա: