Վրաստանը կշարունակի ռուսական գազի փոխադրումը Հայաստան. Վրաստանի վարչապետ

Վրաստանի վարչապետ Մամուկա Բախտաձեն հայտնել է, որ երկիրը կշարունակի իր տարանցիկ գործառույթ կատարել` փոխադրելով ռուսական բնական գազը Հայաստան. հայտնում է saqinform.ge-ն:

«Վրաստանը չի ծրագրում հրաժարվել տարանցիկ գործառույթից, և բնական է, որ մենք կշարունակենք շահույթ ստանալ, որը կապված  է այդ գործառույթի կատարման հետ, մենք դրանում հետաքրքրված ենք»,- ասել է նա կառավարության նիստի ժամանակ:

Վարչապետի խոսքով` «Գազպրոմ-էքսպորտ»-ի  հետ նախկին պայմանագրի ժամկետը սպառվել է, եթե նոր պայմանագրում լինեն փոփոխություններ, հասարակությունը կտեղեկանա այդ մասին:

Ըստ էկոնոմիկայի և կայուն զարգացման նախարար Գեորգի Կոբուլիայի` պայմանագրի շուրջ բանակցությունները կավարտվեն երկու շաբաթից: