Վրաստանը և «Գազպրոմ»-ը համաձայնության չեն եկել Հայաստան գազի տարանցման վճարի հարցում

Վրաստանը և ռուսական «Գազպրոմ» ընկերությունն այս տարի չեն կարողանա պայմանավորվել Հայաստան ռուսական գազի տարանցիկ մատակարարումների վճարման հարցում 2017 թվականին համագործակցելու վերաբերյալ: Այդ մասին հայտնել է Վրաստանի հանրային հեռուստատեսությանը:

Բանակցությունների երկրորդ փուլը, ինչպես և առաջինը, ապարդյուն է անցել:

Գործող պայմանագրի ժամկետը լրանում է դեկտեմբերի 31-ին:

Վրաստանի էներգետիկայի նախարար Կախա Կալաձեն հայտարարել է, որ բանակցությունները կշարունակվեն:

Նշվում է, որ Ռուսաստանը ցանկանում է Վրաստանի տարածքով գազի տարանցման համար գումարով վճարել, իսկ վրացական կողմը ցանկանում է պահպանել վճարման նախկին ձևը՝ ստանալով Հայաստան ուղարկվող ռուսական գազի ընդհանուր ծավալի 10 տոկոսը: