ԱՄՆ-ը կրկին զգուշացրել է Թուրքիա մեկնող իր քաղաքացիներին

ԱՄՆ պետքարտուղարությունը հերթական անգամ հայտարարություն է տարածել՝ Թուրքիա մեկնել ցանկացող իր քաղաքացիներին զգուշացնելով հնարավոր վտանգների մասին:

Ըստ DHA-ի`հայտարարությունը պայմանավորված է նրանով, որ նախօրեին Թուրքիա ճամփորդության ռիսկը 3-րդ աստիճանի է գնահատվել: 

Ամերիկացի զբոսաշրջիկներին տեղեկացվել է, որ ահաբեկչական գործողությունների հավանականությունը մեծ է հատկապես զբոսաշրջային նշանակություն ունեցող ու մարդաշատ վայրերում, ռեստորաններում, գիշերային ակումբներում, առևտրի կենտրոններում ու կրոնական նշանակության շինություններում:

ԱՄՆ քաղաքացիներին զգուշացվել է նաև, որ չարտոնված բողոքի ցույցերին մասնակցությունը կամ կառավարությանը քննադատելը կարող է ձերբակալությամբ ավարտվել: