Առաջիկայում կնշանակվի կառավարության 2/3-րդը. Փաշինյան

Այսօր կառավարության նիստում նախքան օրակարգին անցնելը վարչապետ Փաշինյանը նշեց, որ մինչ կառավարության կառուցվածքի մասին նոր օրենքի ընդունումը՝ առաջիկայում կնշանակվի կառավարության միայն 2/3-րդ, իսկ 1/3-րդ-ը չի նշանակվի:

Վարչապետի խոսքով` կառավարությունը ձևավորման գործընթացում է, զուգահեռ ընթանում են քննարկումներ կառավարության կառուցվածքի հետ կապված:

«Օրենքի համաձայն՝ կառավարությունը ձևավորված է համարվում, երբ նշանակված է կառավարության անդամների 2/3-րդը: Մենք կգնանք այդ ճանապարհով՝  կառավարության անդամների 2/3-րդը կնշանակվի, 1/3-րդը չի նշանակվի, քանի դեռ մինչև վերջին դետալը չենք հստակեցրել կառավարության կազմի, կառուցվածքի փոփոխությունների հետ կապված հարցերը: Մի բան ակնհայտ է՝ նախարարությունների թիվը կրճատվելու է և ուղղակի այս պրոցեսը պետք է տանել մաքսիմալ անցնցում, սահուն և կանխատեսելի ճանապարհովասաց վարչապետը: