«Լույս». Թուրքիայի պատմության մեջ առաջին անգամ հայկական հեռուստաալիք է ստեղծվել

Թուրքիայի պատմության մեջ առաջին անգամ եթեր է դուրս եկել հայկական հեռուստաալիք` «Լույս» թերթի համանուն հեռուստաալիքը: 

Ըստ Demokrathaber-ի` «Լույս TV»-ն առաջին ուղիղ եթերը հեռարձակել է հունվարի 6-ին Պոլսի Սբ Վարդանանց և Գում Գափու թաղամասի Սբ Մարիամ եկեղեցիներից` Քրիստոսի ծննդյան տոնին:

«Լույս TV»-ի և «Լույս» լրատվական խորհրդի անդամ Հարություն Քուրալն ասել է, որ հեռուստաալիքը «ծնվել է» Ծննդյան տոնի հետ: Նրա խոսքով` այսուհետ հայերեն և թուրքերեն հեռարձակումներ են ապահովելու: 

Քուրալը պատմել է, որ հեռուստաալիքի գաղափարը հոր` 35 տարվա լրագրող Արամ Քուրալի նախագիծն էր:

Հեռուստաալիքը կհեռարձակի հայ համայնքին հետաքրքրող լուրեր, ինչպես նաև արվեստին, մշակույթին, սպորտին, առողջապահությանը, տնտեսությանն ու քաղաքականությանը վերաբերող հաղորդումներ: