Էրդողանը մեկնաբանել է սիրիական բանակի մուտքը Մանբիջ

Թուրքիայի նախագահ Ռեջեթ Թայիփ էրդողանը հայտարարել է, որ այն լուրերը, թե սիրիական բանակ մտել է քուրդ զինյալների վերահսկողության տակ գտնվող Մանբիջ, հոգեբանական գործողություն են. հայտնում է РИА Новости-ն:

 «Դա հոգեբանական գործողություն է: Մենք գիտենք, որ այնտեղ Սիրիայի դրոշն է, բայց որոշակի բան չկա, մեկ ժամ առաջ եմ խոսել հետախուզության հետ: Վաղը Թուրքիայի արտգործնախարարը, պաշտպանության նախարարն ու հետախուզական կոմիտեի ղեկավարը մեկնելու են Մոսկվա: Այնտեղ նրանք համակողմանի քննարկում կունենան: Դրանից հետո հեռախոսով, հնարավոր է նաև Մոսկվայում կամ Սոչիում քննարկումներ ունենամ Պուտինի հետ: Մենք դեմ ենք Սիրիայի մասնատմանը, մեր նպատակն է, որպեսզի ահաբեկիչները հեռանան այնտեղից: Այդ դեպքում մենք այնտեղ անելիք չենք ունենա»,- ասել է Էրդողանը: