Հայաստանում թռչունների զանգվածային անկում է գրանցվել

Վերջին շրջանում վայրի թռչունների՝ սարյակների, այնուհետեւ՝ նաեւ ընտանի թռչունների անկումը մտահոգության տեղիք է տալիս: Սննդամթերքի անվտանգության պետական ծառայության առաջին պետ Գրիգոր Գրիգորյանն Ազգային Անվտանգության Ծառայության ուշադրությունն է հրավիրում տիրող իրավիճակին՝ նշելով, որ Հայաստանի կենսաանվտանգության մակարդակը ցածր է:

Արարատի եւ Շիրակի մարզերում եւս գրանցվել է հավերի զանգվածային անկում, ինչի մասին, սակայն, չի բարձրաձայնվում: Տեղեկություններից մեկի համաձայն՝ թռչունների անկում է գրանցվել նաեւ Խոսրովի արգելոցիհարակից գյուղերում, հետեւապես կարող են վտանգվել Կարմիր գրքում գրանցված թռչնատեսակները:

Պատճառները դեռեւս հայտնի չեն: Կասկածներ կան, որ հավերի անկման պատճառը կեղծ ժանտախտն է կամ թռչնագրիպը, որը, ի դեպ, կարող են փոխանցվել մարդկանց:

Գրիգոր Գրիգորյանը հիշեցնում է 2017 թվականին Արծվաբերդում «տուլարեմիայի» բռնկումը, որը մարդկանց փոխանցվել է օդակաթիլային ճանապարհով: Նման դեպքերը, նրա խոսքով, համարվում են կենսաբանական զենք:

Մասնագետը բարձրաձայնում է, որ ունենք լավ անասնաբույժներ, բայց անասնաբուժական միջամտությունները չեն կատարվում հավուր պատշաճի: