Ես ամենաշահագրգռված անձանցից եմ, որ Ռոբերտ Քոչարյանի պաշտպանները հնարավորինս շուտ դիմեն ՄԻԵԴ. Վանեցյան

ՀՀ Ազգային անվտանգության ծառայության տնօրեն Արթուր Վանեցյանը շահագրգռված է, որ ՀՀ երկրորդ նախագահի պաշտպանները հնարավորինս շուտ դիմեն Մարդու իրավունքների եվրոպական դատարան:  Այս մասին Վանեցյանն ասաց  լրագրողների հետ զրույցում:

 «Պաշտպանական ցանկացած կողմ, այսինքն` փաստաբանների խումբ կամ փաստաբան, կարող է դիմել ցանկացած մարմնի, որպեսզի ստանա այս կամ այն հարցի պատասխանը կամ որոշումը, այդ թվում` նաև Ռոբերտ Քոչարյանի պաշտպանական թիմը: Ես չեմ ուզում որևէ գնահատական տալ կամ կարծիք հայտնել: ՄԻԵԴ-ն այն կառույցն է, որը կտա բոլոր հարցերի պատասխանները, և ես երևի ամենաշահագրգռված անձանցից եմ, որպեսզի որքան հնարավոր է շուտ դիմեն այդ դատարան և ստանան իրենց հուզող բոլոր հարցերի պատասխանները»,- ասաց Վանեցյանը: