Եգիպտոսում հայտնաբերել են ավելի քան չորս հազար տարվա դամբարան

Ավելի քան չորս հազար տարվա դամբարան է հայտնաբերվել Կահիրեից ոչ հեռու Սակարայում, - այդ մասին ազդարարել է Եգիպտոսի Հնագույն հուշարձանների  նախարար Խալեդ Ալ-Անանինը՝ հերթական հնագիտական  բացահայտման շնորհանդեսի ժամանակ: Տեղեկացնում է РИА Новости-ն:

Նրա խոսքով, դամբարանը պատկանում է Հինգերոդ դինաստիայի ժամանակաշրջանի (2504-2347թթ. Ք.ա.) բարձրաստիճան պաշտոնյայի: «Այս դամբարանը 2018թ. ամենագեղեցիկ եւ արժեքավոր հայտնագործություններից մեկն է իր գունագեղ պատկերներով, քանդակներով եւ այն փաստով, որ այն հայտնաբերվել է չկողոպտված»,- հայտարարել է նախարարը: Ալ-Անանին հստակեցրել է, որ դամբարանն ավելի քան  չորս հազար տարվա է: Նախարարը հավելել է, որ գիտնականներն ամենայն մանրամասն կուսումնասիրեն դամբարանում եղածը:

Սակարայի հնագիտական համալիրում գտնվում է հնագույն գերեզմանատուն, որի առաջին հուղակավորությունները վերագրվում են դեռեւս Առաջին դինաստաիայի փարավոններին (XXXI - XXIX դարեր Ք.Ա): Սակարայի ամենահայտնի հուշարձանը համարվում է Ջոսեր փարավոնի աստիճանակերպ բուրգը: