Մեկնարկել է «Մեծ քսանյակի» գագաթաժողովը

Համաշխարհային առաջնորդները ժամանել են Արգենտինա: Մայրաքաղաք Բուենոս Այրեսում այսօր եւ վաղը կանցկացվի «Մեծ քսանյակի» գագաթաժողովը՝ ռուս-ուկրաինական գերլարված հարաբերությունների եւ ամերիկա-չինական առեւտրային պատերազմի ֆոնին:

Գագաթաժողովի մեկնարկից առաջ Միացյալ Նահանգների նախագահ Դոնալդ Թրամփը չեղյալ է համարել Ռուսաստանի նախագահ Վլադիմիր Պուտինի հետ ավելի վաղ ծրագրած հանդիպումը՝ Կերչի նեղուցում Ռուսաստանի կողմից ուկրաինական ռազմանավերի կալանման պատճառով:

Բուենոս Այրեսի փողոցներում անվտանգության խստացված միջոցառումներ են ձեռնարկվել: 20 հազար ոստիկան է ապահովում 19 խոշոր արդյունաբերական երկրների եւ Եվրամիության ներկայացուցիչների անվտանգությունը: