ՀՅԴ պատգամավորության թեկնածուներն Արարատի մարզում են. լուսանկարներ

Այսօր` ժամը 18:00-ին, Արտաշատի հրապարակում ՀՅԴ-ն հրավիրում է հանրահավաք, իսկ մինչ այդ ՀՅԴ թեկնածուները շրջում են Արարատի մարզում համայնք առ համայնք` ընտրողներին ներկայացնելով ՀՅԴ ծրագիրը:  Այս պահին ՀՅԴ ԳՄ անդամներ Արսեն Համբարձումյանն ու Արմեն Գրիգորյանը ընտրատարածքի վարկանիշային թեկնածու Գնել Սարգսյանի հետ Վեդիում են, իսկ ՀՅԴ Բյուրոյի քաղաքական ներկայացուցիչ Արմեն Ռուստամյանը Արտաշատում է` կրկին տեղի ՀՅԴ վարկանիշային թեկնածուների հետ:

Նրանք հանդիպում են բնակիչների հետ, հարցուպատասխանի միջոցով ծանոթանում մի շարք ոլորտներում ՀՅԴ-ի մոտեցումներին:

Արտաշատի հրապարակում կայանալիք հանրահավաքին Yerkir.am-ը դեռ կանդրադառնա: