Փաշինյանն Արցախում հեղափոխության կարիք չի տեսնում

Երեկ «Սասնա ծռեր» կուսակցության ներկայացուցիչ Ժիրայր Սեֆիլյանը հայտարարել էր, որ Արցախում մինչև ընտրությունները ևս պետք է լինի հեղափոխություն, «որպեսզի պայթյուն տեղի չունենա»:

Լրագրողները հետաքրքրվեցին վարչապետի պաշտոնակատար Նիկոլ Փաշինյանից, թե ինքն է՞լ է տեսնում Արցախում հեղափոխության անհրաժեշտություն: Նա պատասխանեց, որ համոզված է`Արցախում տեղի կունենան հերթական ընտրություններ, և այդ ընտրություններով ժողովուրդը կձևավորի լեգիտիմ իշխանություն: «Ես լիարժեք իմ աջակցություն եմ հայտնել Արցախի գործող իշխանություններին: Արցախում որոշիչ ուժն Արցախի ժողովուրդն է, և Արցախն այդպես էլ ընկալում ենք»,- ասաց Փաշինյանը: