Պորոշենկոն չի կարողանում ասել` երբ Ուկրաինան կդառնա ԵՄ անդամ

Ուկրաինայի նախագահ Պյոտր Պորոշենկոն դարձյալ դժվարացել է պատասխանել հարցին, թե երբ Ուկրաինան կդառնա ԵՄ անդամ: Նա միայն ասել է,  որ դա հեռու ապագայի հարց չէ. հայտնում է РИА Новости-ն:

«Ես վստահ եմ, որ ժամկետը կախված է նաև ձեզանից, երրորդ և երկրորդ կուրսի հարգելի' ուսանողուհիներ… Երբ բոլորս միավորվենք, համառորեն աշխատենք երկիրը փոխելու ուղղությամբ, նրանք ընտրություն չեն ունենա, քանի որ չի կարող լինել լիարժեք Եվրոպա, լիարժեք ԵՄ` առանց Ուկրաինայի»,- ասել է Պորոշենկոն` պատասխանելով ուսանողի հարցին:

Ավելի վաղ Ուկրաինայի նախագահը հայտարարել էր, որ երազում է, որ Ուկրաինան ԵՄ անդամ դառնա մինչև 2030 թվականը: