Քայլեր ենք ձեռնարկելու, որ ՀՀԿ-ի ղեկավարությունը պատասխանատվության ենթարկվի. Ժիրայր Սեֆիլյան

«Սասնա ծռեր» կուսակցության ներկայացուցիչ Ժիրայր Սեֆիլյանը ժպիտով է ընդունում Հանրապետական կուսակցության մասնակցությունն ընտրություններին:

Լրագրողների հետ հանդիպման ժամանակ նա ասաց, որ եթե վարչապետ Նիկոլ Փաշինյանը լսեր իրենց, ապա ՀՀԿ-ն վաղուց կասեցված կլիներ: «Այդ կազմակերպությունը հանցագործ կազմակերպություն է, դրա ղեկավարությունը պետք է պատասխանատվության ենթարկվի օրենքի առաջ: Համոզված եմ, որ այդ օրը վաղ, թե ուշ գալու է, և այդ ուղղությամբ մենք հատուկ աշխատանք ենք տանելու: Մենք փոփոխությունների այլ մարտավարական ուղղություն ենք պատկերացրել, Փաշինյանն` այլ, սակայն ոչ մի գործողություն հենց այնպես տեղի չի ունենում»,- ասաց Սեֆիլյանը:

Նա նշեց նաև, որ, ընտրություններին մասնակցելով, ՀՀԿ-ն իրենց օգուտ է տալու, իսկ թե ինչպե՞ս, առաջիկայում կերևա: