2019-ին նվազագույն ամսական աշխատավարձի չափը կպահպանվի նույնությամբ՝ 55 000 դրամ

2019-ին նվազագույն ամսական աշխատավարձի չափը կպահպանվի նույնությամբ՝ 55 000 դրամ. խորհրդարանում  2019 թվականի պետական բյուջեի նախագծի քննարկման ժամանակ հայտնեց  աշխատանքի և սոցիալական հարցերի փոխնախարարի պաշտոնակատար Արսեն Մանուկյանը:

Նրա խոսքով` հաջորդ տարվա բյուջեով աշխատանքային կենսաթոշակներ միջոցառմամբ նախատեսվում է 222 մլրդ 863 մլն 900 հազար դրամի չափով ծախս, 2018-ին այն կազմել է 210 մլրդ 470 մլն 900 հազար դրամ:

«Կուտակային կենսաթոշակային հատկացումների մասով ծախսը 2019-ին նախատեսվում է  56 մլրդ 779 մլն 600 հազար դրամ, աճը,  2018-ի համեմատ, կկազմի 14 մլրդ 146 մլն 600 հազար դրամ: Դա պայմանավորված է շահառուների թվաքանակի աճով, նաև պետական մասնակցության համամասնության տրամադրմամբ»,- ընդգծեց Մանուկյանը: