Գոյություն ունի միայն մեկ իրական հեռանկար` բանակցությունների միջոցով ԼՂ հակամարտության խաղաղ կարգավորում. Կարասին

ՌԴ-ն շարունակում է սերտորեն համագործակցել ԵԱՀԿ ՄԽ համանախագահող երկրների հետ ԼՂ հակամարտության խաղաղ կարգավորման համար: Այդ մասին Известия-ի հետ զրույցում ասել է ՌԴ ԱԳՆ ղեկավարի տեղակալ Գրիգորի Կարասինը:

«Գոյություն ունի միայն մեկ իրական հեռանկար` բանակցությունների միջոցով հակամարտության խաղաղ կարգավորում: Ադրբեջանցի և հայ ժողովրդի շահագրգռությունը անվտանգության, կայունության և զարգացման մեջ բանակցային գործընթացի հիմք է, որին ամեն կերպ աջակցում է ՌԴ-ն»,- ասել է Կարասինը:

Նա նշել է, որ ՌԴ-ն իր կողմից ձգտում է  անել ամեն բան խաղաղ պայմանավորվածություններ ձեռք բերելու գործում օգնելու համար:

«Մեր այդ դիրքորոշումն անփոփոխ է: Այն ամրագրված է ՌԴ-ի արտաքին քաղաքականության հայեցակարգում և հաստատվել է Վլադիմիր Պուտինի` երկու երկրների առաջնորդների հետ վերջերս ունեցած հանդիպումների ժամանակ»,- ասել է Կարասինը: