ԲՀԿ-ական փոխվարչապետը կշարունակի պաշտոնավարել, նա է այդպես ուզել. վարչապետ

Այս պահին, ՀՀ վարչապետ Նիկոլ Փաշինյանի գլխավորությամբ, շարունակում է հանրահավաքը: Հիշեցնենք, որ հանրահավաք վարչապետը հրավիրել էր այն պատճառով, որ ԱԺ-ն արտահերթ նիստով ընդունեց «ԱԺ կանոնակարգ» օրենքում լրացում կատարելու մասին նախագիծը:

Քիչ առաջ նա հայտարարեց, որ դադարեցնում է համագործակցությունը ՀՅԴ և ԲՀԿ կուսակցությունների հետ: «Ես պաշտոններից ազատում եմ ՀՅԴ, ԲՀԿ նախարարներին»,- ասաց նա:

Վարչապետը պաշտոնից ազատեց նաև մարզպետներին: Նա հայտարարեց, որ փոխվարչապետ Մհեր Գրիգորյանը կպահպանի պաշտոնը, քանի որ ցանկանում է աշխատել: «Եկեք ողջունենք փոխվարչապետ Մհեր Գրիգորյանին»,- ասաց Փաշինյանը:

Նա հրապարակային ստորագրեց նախարարների և մարզպետների ազատման հրամանագրերը:

Նշենք, որ ՀՅԴ ԳՄ ներկայացուցիչ Արսեն Համբարձումյանն ավելի վաղ հայտարարել էր կառավարության իրենց անդամների հետկանչման մասին: