Փաշինյանն այսօր հանդիպելու է Վահրամ Բաղդասարյանի հետ

Արդեն տեղեկացրել ենք, որ վարչապետ Փաշինյանը արտահերթ խորհրդարանական ընտրությունների անցկացման հետ կապված այսօրվանից հանդիպումներ է սկսելու քաղաքական ուժերի հետ: Նա այսօր հանդիպելու է ՀՀԿ խմբակցության ղեկավար Վահրամ Բաղդասարյանի հետ:

Տեղեկությունը լրագրողների հետ զրույցում հայտնեց «Ելք» խմբակցության ղեկավար Լենա Նազարյանը: Հանդիպման ժամի եւ վայրի մասին նա տեղեկատվություն չտրամադրեց:

«Ծառուկյան» դաշինքի պատգամավոր Գևորգ Պետրոսյանը հայտնեց, որ իրենց հետ վարչապետի հանդիպման մասին պայմանավորվածություն չկա: «Ելք» խմբակցությունից Էդմոն Մարուքյանն էլ ասաց, որ պայմանավորվածություն չունեն հանդիպման վերաբերյալ: Yerkir.am-ին ՀՅԴ խմբակցության քարտուղար Արմենուհի Կյուրեղյանը տեղեկացրեց, որ իրենք էլ դեռ պայմանավորվածություն չունեն: