Մարզպետարաններին տրվեցին սուբվենցիաներ, ինչպես նաև գումար` առաջնահերթ հիմնախնդիրների լուծման համար

Այսօր կառավարության նիստում տարածքային կառավարման նախարար Սուրեն Պապիկյանը ներկայացրեց որոշում` մարզերում առաջնահերթ հիմնախնդիրների լուծման նպատակով կառավարության պահուստային ֆոնդից Արմավիրի, Լոռու, Շիրակի ու Տավուշի մարզերին հատկացնել 82,913 մլն դրամ:

Մեկ այլ ծրագրով` սուբվենցիաներ են տրամադրվում Արագածոտնի, Գեղարքունիքի, Վայոց ձորի, Արմավիրի, Արարատի, Կոտայքի, Լոռու, Սյունիքի և Շիրակի մարզպետարաններին` 911 միլիոն դրամ, որից մոտավորապես կես միլիարդ դրամի չափով համաֆինանսավորում են համայնքները:

Երրորդ նախագծով ավելի փոքր համայնքներին պահուստային ֆոնդից տրամադրվեց 3 միլիարդ 650 միլիոն դրամ` առաջնահերթ հիմնախնդիրների լուծման համար:

Որոշումներն ընդունվեցին: