Թրամփի ելույթը ՄԱԿ-ում առաջացրել է դահլիճի ծիծաղը

ԱՄՆ նախագահ Դոնալդ Թրամփի ելույթը ՄԱԿ-ճ Գլխավոր վեհաժողովի նստաշրջանում առաջացրել է դահլիճի ծիծաղը. հայտնում է РИА Новости-ն:

Թրամփը պատմել է` ինչ վիճակ է տիրում ԱՄՆ-ում իր ընտրվելուց հետո: Նա հայտարարել է, որ երկու տարվա ընթացքում  հասել է ավելիին, քան իր նախորդները, ինչից հետո դահլիճում ծիծաղի ձայն է լսվել:

«Չէի սպասում նման արձագանքի, սակայն դա նորմալ է»,- ասել է ԱՄՆ նախագահը և շարունակել ելույթը:

Խոսելով միջազգային քաղաքականության մասին` Թրամփն ասել է, որ Գերմանիան պետք է հնարավորինս շուտ նոր էներգետիկ հնարավորություններ որոնի, այլապես կախվածություն կունենա ՌԴ-ից: «Այդ խոսքերից հետո Գերմանիայի պատվիրակությունը սկսել է ծիծաղել»,- իր ֆեյսբուքյան էջում գրել է ՌԴ ԱԳՆ պաշտոնական ներկայացուցիչ Մարիա Զախարովան: