Իրանը ողջունել է Պուտինի և Էրդողանի միջև Իդլիբի վերաբերյալ ձեռք բերված պայմանավորվածությունը

Իրանը ողջունում է ՌԴ-ի և Թուրքիայի միջև սիրիական Իդլիբի հարցում ձեռք բերված համաձայնությունը: Այդ մասին հայտարարել է Իրանի ԱԳՆ պաշտոնական ներկայացուցիչ Բահրամ Հասեմին. հայտնում է ТАСС-ը:

Իրանական կողմը դա կարևոր քայլ է համարում Իդլիբում ահաբեկչական խմբերի հարցը լուծելու ճանապարհին:

Ի դեպ, պայմանավորվածությունը դրական է համարել նաև Միացյալ Նահանգները:

Հիշեցնենք, որ ՌԴ նախագահ Վլադիմիր Պուտինը հայտարարել է, որ իր թուրք գործընկեր Ռեջեփ Թայիփ Էրդողանի հետ բանակցությունների ընթացքում իրենք որոշում են ընդունել սիրիական Իդլիբ նահանգի շփման գծի երկայնքով 15-20 կմ խորությամբ ապառազմականացված գոտու ստեղծման վերաբերյալ: