Ադրբեջանն արձագանքում է Փաշինյանի հայտարարություններին

Ադրբեջանի նախագահի մամուլի խոսնակ Ազեր Հասիմովը մեկնաբանել է ՀՀ վարչապետ Նիկոլ Փաշինյանի հայտարարությունները` կապված այն հանգամանքի հետ, որ Իլհամ Ալիևի որդին զորակոչվել է բանակ. հայտնում է haqqin.az-ը:

Նա ասել է, որ Փաշինյանն առաջին անգամը չէ, որ քիթը մտցնում է Ադրբեջանի ներքին գործերի մեջ:

Հասիմովը նշել է, որ եթե Ադրբեջանը սկսի նույնն անել, ապա Փաշինյանի իշխանությունը երկար չի տևի: Ըստ նրա` «Փաշինյանի դիկտատուրայի ռեժիմը Հայաստանին տանում է դեպի անդունդ», այդ իսկ պատճառով Ադրբեջանին ձեռնտու է նրա իշխանությունը:

Հասիմովը նաև նշել է, որ Փաշինյանը պարզապես շոումեն է, և որ նրա որդին, ի տարբերություն Իլհամ Ալիևի որդու, բանակում կենցաղային հարցերով է զբաղված: