Քաղաքական ապաստան հենց այնպես չեն տալիս. Ռուստամյանը` Միքայել Հարությունյանի մասին

ԱԺ ՀՅԴ խմբակցության ղեկավար Արմեն Ռուստամյանը խորհրդարանում լրագրողների հետ զրույցում կարծիք հայտնեց, որ  քաղաքական գործչին հենց այնպես քաղաքական ապաստան չեն տալիս, և պաշտպանության նախկին նախարար Միքայել Հարությունյանի դեպքն էլ հենց այդ համատեքստում է դիտարկում։

«Մարդկանց քաղաքական ապաստան տալիս են միայն այն դեպքում, երբ համարում են, որ մարդու իրավունքների խախտումներ կարող են տեղի ունենալ, եթե նրան վերադարձնեն տվյալ երկիր»,- ասաց պատգամավորը։

Հիշեցնենք, որ ՌԴ-ն չեղարկել էր պաշտպանության նախկին նախարար Միքայել Հարությունյանի հետախուզումը, ինչը նշանակում է, որ ՌԴ իրավապահները Միքայել Հարությունյանին չեն հանձնի Հայաստանին։