Ակնկալում ենք լուրջ զրույց. Ուշակովը` Պուտին-Փաշինյան հանդիպման մասին

ՌԴ-ն ակնկալում է անկեղծ և լուրջ զրույց  ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի հանդիպման ժամանակ, որը կկայանա սեպտեմբերի 8-ին: Այդ մասին հայտարարել է ՌԴ նախագահի օգնական Յուրի Ուշակովը. հայտնում է РИА Новости-ն:

«Ինչպես մեր կողմից, այնպես էլ հայկական կողմից շատ հարցեր են կուտակվել, այդ իսկ պատճառով մենք ակնկալում ենք անկեղծ, լուրջ զրույց` երկկողմ համագործակցությանը վերաբերող, ինչպես նաև ԵԱՏՄ-ի և ՀԱՊԿ-ի մասով բոլոր հարցերի շուրջ»,- ասել է նա:

Կրեմլի մամուլի ծառայությունում հավելել են, որ հանդիպման ընթացքում նախատեսվում է քննարկել հայ-ռուսական դաշնակցային հարաբերությունների զարգացմանն առնչվող առանցքային հարցերը: