Ռեանիմոբիլների քանակն այսուհետ բավարար կլինի շտապօգնության կանչերի համար

Այսօր կառավարության նիստում առողջապահության նախարար Արսեն Թորոսյանը ներկայացրեց Չինաստանի կառավարության կողմից Հայաստանի կառավարությանն անհատույց տրամադրված շտապօգնության ռեանիմոբիլները, շտապ օգնության գծային մեքենաները, դրանց օժանդակ սարքավորումները և պահեստամասերը նվիրաբերելու մասին հարցը: Նախատեսվում է` արդեն տրամադրված 200 ռեանիմիբիլները և օժանդակ սարքավորումները նվիրաբերել Երևանում և մարզերում գործող բժշկական կազմակերպություններին:

 «Սրանով ամբողջությամբ բավարարվում է այն պահանջարկը, որն առկա է Երևանում ու մարզերում, և խնդիր չի առաջանալու շտապօգնության մեքենաների սակավության պատճառով շտապօգնության կանչերի մերժման»,- ասաց Թորոսյանը:

Արդարադատության նախարար Արտակ Զեյնալյանը հավելեց, որ շուտով իրավական ձևակերպմամբ կկազմակերպվի ՔԿՀ-ներում ռեանիմոբիլների տրամադրման հարցը: Վարչապետը շնորհակալություն հայտնեց Չինաստանի կառավարությանը` նման օգնություն տրամադրելու համար: