Ռուսաստանի ԱԳՆ-ն մտահոգված է հայ քաղաքական գործիչների ձերբակալություններով

Դ ԱԳՆ ղեկավար Սերգեյ Լավրովը մտահոգված է հայ քաղաքական գործիչների ձերբակալություններից: Այս մասին հայտնում է Ռուսաստանի առաջին ալիքը:

Մասնավորապես Լավրովը մտահոգություն է հայտնել ՀՀ երկրորդ նախագահ Ռոբերտ Քոչարյանի ու ՀԱՊԿ գլխավոր քարտուղար Յուրի Խաչատուրովի նկատմամբ քրեական գործեր հարուցելու հետ կապված: Երկուսն էլ մեղադրվում են 2008թ մարտի 1-ին սահմանադրական կարգը տապալելու մեջ:

Սերգեյ Լավրովը ասել է. «Մենք տարակուսանքով ու մտահոգությամբ ենք ընդունել Երևանից ստացվող լուրերն այն մասին, որ ձերբակալվել են մի քանի հայտնի քաղաքական գործիչներ: Երբ մայիս ամսին Հայաստանում ներքաղաքական ճգնաժամ սկսվեց, մենք մեծ բավարարվածությամբ նկատեցինք, որ ճգնաժամը հարթվեց  գործող բոլոր քաղաքական կուսակցությունների միջև քաղաքական կոմպրոմիսի արդյունքում: Եվ մենք հույս ունեինք, որ նման արդյունքի վրա հենվելով, Հայաստանի նոր իշխանությունները կշարունակեն առաջ տանել միավորված ջանքերն ու մոտեցումները` ամրապնդելով ազգային համաձայնությունը:

Բայց վերջին օրերի իրադարձությունները լրջորեն խախտում են նման դրական ակնկալիքները` չհամընկելով Հայաստանի նոր իշխանությունների այն հայտարարությունների հետ , որ իրենք մտադիր չեն քաղաքական նկատառումներով հետապնդել իրենց նախորդներին»:

Տեսանյութն՝ այստեղ: