Իսպանիայում ցլերի հետ մրցավազքի առաջին իսկ րոպեներից 7 մարդ է վիրավորվել

Իսպանիայում ցլերի հետ մրցավազքի առաջին իսկ երեք րոպեների ընթացքում 7 մարդ վնասվածք է ստացել: Այս մասին հայտնում է «ՏԱՍՍ» գործակալությունը: Նրանք տեղափոխվել են հիվանդանոց:

Նավարայի ինքնավար համայնքի հովանավորին նվիրված փառատոնի ժամանակ տեղի են ունենում տոնական բազմաթիվ արարողություններ, որոնցից ամենաուշագրավը, թերևս, ցուլերի հետ մրցավազքն է: Այս չափազանց վտանգավոր սովորույթը հին արմատներ ունի: Միջնադարյան նեղ փողոցներում կատաղած ցուլերի հետ կարող են մրցել ամենահամարձակ տեղացիներն ու հյուրերը: Որոշ մասնակիցներ հանդիսատեսի համակրանքը շահելու համար միտումնավոր ընտրում են ցուլերի հետ մրցավազքի նվազագույն հեռավորություն, ինչն ավելի սուր զգացումներ է առաջացնում: