Կարեն Կարապետյանի նկատմամբ ծառայողական քննությունը շարունակվում է. ՊԵԿ նախագահ

Կարեն Կարապետյանի՝ ՊԵԿ օպերատիվ հետախուզության վարչության պետի նկատմամբ հարուցված ծառայողական քննությունը դեռևս ընթացքի մեջ է. լրագրողների հետ զրույցում ասաց Պետական եկամուտների կոմիտեի նախագահ Դավիթ Անանյանը:

Նրա խոսքով՝ ծառայողական քննության ավարտից հետո, դրանց արդյունքներից ելնելով, իրենք համապատասխան որոշում կկայացնեն: «Հավելյալ ինֆորմացիա կամ գնահատական այս պահին, բնականաբար, չեմ կարող տալ, քանի որ ծառայողական քննությունը դեռ ընթացքի մեջ է»,- ասաց ՊԵԿ նախագահը:

Հիշեցնենք, որ Կարեն Կարապետյանի լիազորությունները դադարեցված չեն, իսկ մամուլում հրապարակված տեղեկությունների համաձայն՝ ՊԵԿ օպերատիվ հետախուզության վարչության պետ, Վալերի Օսիպյանի քավոր Կարեն Կարապետյանը հայտնվել է կոռուպցիոն սկանդալի կենտրոնում: