Պուտինը բարձրացրել է վարորդական վկայականի և արտասահմանյան անձնագրերի համար պետական տուրքերը

ՌԴ  նախագահ Վլադիմիր Պուտինը նոր նմուշի մի շարք փաստաթղթերի տրամադրման համար գործող պետական պետական տուրքերն ավելացնելու մասին դաշնային օրենք է ստորագրել. հայտնում է Лента.ру-ն: Մասնավորապես՝ ազգային վարորդական վկայականի պետական տուրքը 2 հազար ռուբլուց կդառնա 3 հազար ռուբլի: Տեղեկատվության էլեկտրոնային կրիչ պարունակող արտասահմանյան անձնագիրը ներկայիս 3,5 հազար ռուբլու փոխարեն կարժենա 5 հազար ռուբլի:

Այդ կերպ  Պուտինն աջակցել է  ՌԴ կառավարության այն եզրակացություններին, որ պետական տուրքերի ավելացումը հնարավորություն կտա մասամբ փոխհատուցելու նոր սերնդի փաստաթղթերի ներդրման համար ենթակառուցվածքների ստեղծմանն ուղղված` դաշնային բյուջեի ծախսերը: