Մարտի 1-ի գործով Ռոբերտ Քոչարյանին հրավիրել են ՀՔԾ՝ հարցաքննության. Armtimes.com

Armtimes.com-ի տեղեկություններով` ՀՀ հատուկ քննչական ծառայությունը Մարտի 1-ի գործով հարցաքննության է հրավիրել ՀՀ երկրորդ նախագահ Ռոբերտ Քոչարյանին. նրան ծանուցագիր է ուղարկվել:

Yerkir.am-ի հետ զրույցում ՀՔԾ-ից ո'չ հերքեցին և ո'չ էլ հաստատեցին այս լուրը:

Մեզ հետ զրույցում Ռոբերտ Քոչարյանի գրասենյակի ղեկավար Վիկտոր Սողոմանյանն էլ հայտնեց, որ երկրորդ նախագահը ծանուցում չի ստացել:

Հիշեցնենք, որ այսօր ՀՔԾ-ն տեղեկացրեց, որ Մարտի 1-ի գործով որպես մեղադրյալ է ներգրավվել Հայաստանի Հանրապետության պաշտպանության նախկին նախարար, գեներալ-գնդապետ Միքայել Հարությունյանը՝ ՀՀ քրեական օրենսգրքի 300.1-ին հոդվածի 1-ին մասով, այն բանի համար, որ նա այլ անձանց հետ նախնական համաձայնությամբ տապալել է սահմանադրական կարգը: Միքայել Հարությունյանի նկատմամբ հետախուզում է հայտարարվել: