Չկասկածեք` կհարցաքննվեն. Դավթյանն առաջին և երկրորդ նախագահների՝ Մարտի 1-ի գործով հարցաքննության մասին

Հայաստանի Հանրապետության գլխավոր դատախազ Արթուր Դավթյանը խոստանում է Մարտի 1-ի գործի վերաբերյալ ստացված նոր տեղեկությունները ներկայացնել հանրությանն այնքանով, որքանով դա չի խանգարի նախաքննությանը: Խորհրդարանում լրագրողների հետ զրույցում նա ասաց. «Այս գործի հետ կապված մեր սպասումներն ու հույսերը շատ-շատ են, և մենք առաջիկայում դրա հետ կապված տեղեկությունները պարբերաբար կներկայացնենք հանրությանն այնքանով, որքանով դա չի խանգարի նախաքննությանը»:

Դավթյանը հավելեց, որ այս պահին այդ գործով ձեռք բերված տվյալների մասին տեղեկություն ներկայացնելու անհրաժեշտություն չի տեսնում:

Ինչ վերաբերում է երկրորդ և երրորդ նախագահներ Ռոբերտ Քոչարյանի ու Սերժ Սարգսյանի՝ գործով հարցաքննությանը, նա շեշտեց, որ եթե ձեռք բերվեն որևէ մեկին հարցաքննելու վերաբերյալ հիմքեր, դրանց հիման վրա այդ անձինք կկանչվեն հարցաքննության: Դավթյանը նաև վստահեցրեց, որ հիմքերի առկայության դեպքում ցանկացած անձի նկատմամբ կկիրառվեն հարկադրանքի անհրաժեշտ միջոցներ: