Վրաստանում ձերբակալվել է Սիրիայում ռուս օդաչուի սպանության մեջ կասկածվող` Թուրքիայի քաղաքացին

Վրաստանում ձերբակալվել է Թուրքիայի քաղաքացի Սերքան Քուրթուլուշը, ով ավելի վաղ կասկածվում էր Սիրիայում ռուս օդաչու Օլեգ Պեշկովի սպանության մեջ ներգրավված լինելու համար. հայտնում է Лента.ру-ն:

Քուրթուլուշը 18 հոգուց բաղկացած խմբի անդամ է, որոնք մեղադրվում էին Թուրքիայում Օլեգ Պեշկովի սպանության մեջ, ով 2015-ի նոյեմբերի 14-ին թուրքական F-16 կործանիչի կողմից խոցված ռուսական օդանավի օդաչուն էր:

Պեշկովը զոհվել էր օդանավից  դուրս թռչելուց հետո: Որոնողական գործողության ժամանակ խոցվել էր նաև ռուսական ավիախմբի օդանավը, մահացել էր նաև Ալեքսանդր Պոզինիչը: Ռուսաստանցիների սպանության պատասխանատվությունն իր վրա վերցրել էր թուրքական աջակողմյան «Գորշ գայլեր» կազմակերպության անդամ Ալփարսլան Չելիկը, իսկ ավելի ուշ հրաժարվել էր ընդունել մեղքը: