Մարզպետ Աշոտ Սիմոնյանի մոտ կայացավ քաղաքացիների ընդունելություն

Քաղաքացիների ընդունելությունների անցկացման կարգի համաձայն՝ Արագածոտնի մարզպետ Աշոտ Սիմոնյանի  մոտ քաղաքացիների ընդունելություն է սահմանված յուրաքանչյուր ուրբաթ օր: Հերթական ընդունելությունը կայացավ հունիսի 8-ին:  

Նախապես ցուցակագրվել էր 21 քաղաքացի, սակայն ընդունելությանը մասնակցեց ավելին՝  27 մարդ: Նրանք  եկել էին Օշական, Ոսկեվազ, Ուջան, Գեղաձոր, Նոր Ամանոս, Հնաբերդ, Կաքավաձոր, Վարդենուտ, Ուշի, Կոշ, Սասունիկ. Ն Բազմաբերդ, Մաստարա, Ղազարավան, Կաթնաղբյուր համայնքներից, Ապարան համայնքի Արագած բնակավայրից  եւ Աշտարակ քաղաքից:

 Նրանցից 19-ը մարզպետին դիմեց դրամական աջակցության խնդրով եւ օգնություն ստացավ: Մյուս քաղաքացիները  աշխատանքային, սոցիալական, առողջական, հողային եւ անձնական այլ բնույթի  հարցեր ունեին: Ծանոթանալով նրանց խնդիրներին՝ Աշոտ Սիմոնյանը դրանց լուծման հետ կապված համապատասխան հանձնարարականներ տվեց, կատարեց անհրաժեշտ պարզաբանումներ:

ՀՀ Արագածոտնի մարզպետարանի տեղեկատվության եւ հասարակայնության հետ կապերի բաժին