ՀՀ վարչապետի նստավայրի մոտ բողոքի ակցիա են իրականացնում նաև տաքսու վարորդները

Արդեն մի քանի ժամ է ՀՀ վարչապետի նստավայրի մոտ բողոքի ակցիա են իրականացնում նաև տաքսու վարորդները: Նրանք միակողմանի փակել են բաղրամյան պողոտան: Տաքսու վարորդները պահանջում են խստացնել տաքսի ծառայություն մատոցուղների լիցենզավորման կարգը, որպեսզի այն տարածվի տաքսի ծառայություն մատուցող բոլոր ընկերությունների վրա:

Վարորդները նաև պահանջում են նաև զրոյացնել ավտոկայանատեղիների և տեսանկարահանող սարքերի արձանագրած տուգանքները: Վարորդները հանդիպում են պահանջում վարչապետ Նիկոլ Փաշինյանի հետ:

Վարչապետի աշխատակազմից ցուցարարներին հայտնել են, որ խնդրի մասին զեկուցել են վարչապետին: Հիշեցնենք, որ Բաղրամյան պողոտայում բողոքի ակցիա են իրականացնում նաև զինկոմիսարիատների օպտիմալացման դեմ բողոքող քաղաքացիները: Նշենք, որ «Սասնա ծռերի» կողմնակիցներն էլ փակել են Արշակունյաց պողոտան: