Մեկ շաբաթում ԱԺ խմբակցություններն իրավունք ունեն վարչապետի թեկնածու առաջադրելու

Համաձայն ՀՀ Սահմանադրության 149-րդ հոդվածի` վարչապետի հրաժարական ներկայացնելու դեպքերում կառավարության հրաժարականն ընդունվելուց հետո` յոթնօրյա ժամկետում, Ազգային ժողովի խմբակցություններն իրավունք ունեն առաջադրելու վարչապետի թեկնածուներ: Ազգային ժողովը վարչապետին ընտրում է պատգամավորների ընդհանուր թվի ձայների մեծամասնությամբ:

Սահմանադրության 158-րդ հոդվածի համաձայն` կառավարությունը հանրապետության նախագահին ներկայացնում է իր հրաժարականը նորընտիր Ազգային ժողովի առաջին նստաշրջանի, կառավարությանը վստահություն չհայտնելու, կառավարության ծրագրին հավանություն չտալու, վարչապետի կողմից հրաժարական ներկայացվելու կամ վարչապետի պաշտոնը թափուր մնալու օրը:

Կառավարության անդամները շարունակում են իրենց պարտականությունների կատարումը մինչև նոր կառավարության կազմավորումը:

Հիշեցնենք, որ այսօր` ապրիլի 23-ին, Սերժ Սարգսյանը հրաժարական է ներկայացրել: