Բռնցքամարտի ԵԱ. Հայաստանի 6 ներկայացուցիչ՝ քառորդ եզրափակիչում

Իտալիայի Ռոզետտո դե ալ Բռուցցի քաղաքում շարունակվող բռնցքամարտի Եվրոպայի երիտասարդների առաջնությունում փայլուն են հանդես գալիս Հայաստանը ներկայացնող բռցնքամարտիկները:

Հայաստանի հավաքականի 6 անդամ արդեն քառորդ եզրափակիչում է և հաջորդ մենամարտը հաղթելու դեպքում կապահովեն առնվազն բրոնզե մեդալ: 75 կգ քաշային կարգում փայլուն է հանդես գալիս Ռաֆայել Հովհաննիսյանը, ով, իր առաջին մարտում հաղթելով Թուրքիայի ներկայացուցչին, այնուհետև առավելության հասավ ադրբեջանցու նկատմամբ:

Հովհաննիսյանից բացի, քառորդ եզրափակիչ դուրս եկան և կիսաեզրափակիչի համար կպայքարեն 49 կգ քաշային Սեյրան Եղիկյանը, 52 կգ քաշային Արթուր Բազեյանը, 56 կգ քաշային Ռաֆայել Հակոբյանը, 69 կգ քաշային Վախթանգ Հարությունյանը, 64 կգ քաշային Բենիկ Նիկողոսյանը:

Հայաստանի միակ աղջիկ ներկայացուցիչ Կարինե Սարգսյանը պայքարը կսկսի 1/8 փուլից: