"Շախտյորը" քառորդ եզրափակիչում է

Դոնեցկի «Շախտյորը» նվաճեց Չեմպիոնների լիգայի քառորդ եզրափակիչի ուղեգիր:

Հենրիխ Մխիթարյանի ակումբը 2 հանդիպումների արդյունքում 6:2 հաշվով ջախջախեց Հռոմի «Ռոմային»: Պատասխան խաղում ուկրաինական ակումբը 3 անպատասխան գնդակ ուղարկեց «գայլերի» դարպասը:

Հենրիխ Մխիթարյանը հիմնական կազմում էր և փոխարինվեց 68-րդ րոպեին: 28-րդ րոպեին Մխիթարյանը դեղին քարտ ստացավ` խախտելով կանոնները Բորիելոյի հետ պայքարում, իսկ մրցավարը 11 մետրանոց նշանակեց տանտերերի դարպասին: Սակայն Պյատովը հետ մղեց Բորիելոյի հարվածը:

Հիշեցնենք, որ «Շախտյորի» քառորդ եզրափակիչում հայտնվելը բացառիկ արդյունք է ակումբի պատմության մեջ:

Տեսանյութն այստեղ: