ԱՄՆ-ը շանտաժի է ենթարկում Թուրքիային. Լավրով

Ռուսաստանը ամերիկյան ընկերությունների օգտին շանտաժ է համարում Թուրքիայի նկատմամբ ռուսական C-400 զենիթահրթիռային համակարգերի գնման համար հնարավոր պատժամիջոցների կիրառման մասին` ԱՄՆ-ի հայտարարությունները: Այդ մասին հայտարարել է ՌԴ ԱԳՆ ղեկավար Սերգեյ Լավրովը. հայտնում է ТАСС-ը:

«Այն, որ պարոն Միթչելը (Ուես Միթչելը` ԱՄՆ-ի Եվրոպայի և Եվրասիայի հարցերով պետքարտուղարի օգնական) հայտարարել է, որ Անկարան կարող է հայտնվել պատժամիջոցների տակ, եթե Ռուսաստանից C-400 գնի, հենց շանտաժի փորձ է՝ հաշվի առնելով, որ այդպես կհաջողվի ապահովել ամերիկյան ընկերությունների համար անբարեխիղճ մրցակցություն»,- ասել է Լավրովը: