Թրամփը հեռուստացույց դիտելիս է իմացել, որ ԱՄՆ-ը նոր պատժամիջոցներ պետք է սահմանի ՌԴ-ի նկատմամբ

ԱՄՆ նախագահ Դոնալդ Թրամփը հեռուստացույց դիտելիս է իմացել, որ ԱՄՆ-ը նոր պատժամիջոցներ պետք է սահմանի ՌԴ-ի նկատմաբ: Այդ մասին գրում է The New York Times-ը:

Ըստ իրավիճակին ծանոթ պաշտոնյայի` Թրամփը խիստ բարկացել է, որ ՄԱԿ-ում ԱՄՆ մշտական ներկայացուցիչ Ռ. Հեյլին հայտարարել է, որ շուտով ՌԴ-ի դեմ նոր պատժամիջոցներ կսահմանվեն: Ըստ աղբյուրի` Թրամփը նման որոշում չի կայացրել, իսկ Սպիտակ տունը չի տեղեկացրել Հեյլիին, որ պատժմիջոցների մասով ուղեգիծը փոխվել է` նրան արտահայտվելու ազատություն տալով:

Հիշեցնենք, որ նման հայտարարությամբ Հեյլին հանդես էր եկել ապրիլի 15-ին`նշելով, որ որոշումը կապված է Սիրիայում տիրող իրավիճակի հետ: