Ցուկերբերգը ցուցմունք է տվել Միացյալ Նահանգների Կոնգրեսում

Facebook-ի ղեկավար  Մարկ Ցուկերբերգն ապրիլի 10-ին առաջին անգամ ցուցմունք է տվել Միացյալ Նահանգների Կոնգրեսում. հայտնում է РИА Новости-ն:

Դա արվել է մոտ 87 մլն օգտատիրոջ անձնական տվյալները բրիտանական Cambridge Analytica ընկերությանը սխալմամբ փոխանցելու շուրջ սկանդալի ֆոնին:

Ցուկերբերգը ներողություն է խնդրել օրենսդիրներից ՝ Cambridge Analytica-ի հետ կապված սկանդալի ամբողջ պատասխանատվությունը վերցնելով իր վրա: Նա վստահեցրել է, որ ընկերությունն օգտատերերի անձնական տվյալները չի վաճառում գովազդատուներին, իսկ Facebook-ն ինքն է դուրս գալիս անհրաժեշտ մարդկանց հետքի վրա մասնավոր ընկերությունների որոշակի հարցման դեպքում:

Պատասխանելով հարցին` օգտատերերն ինչպե՞ս կարող են ապահովել իրենց տվյալների անվտանգությունը, Ցուկերբերգը պատասխանել է. «Դրա համար դուք ունեք բոլոր գործիքները»: