Լավրովը մեկնաբանել է իրավիճակը Սիրիայում

ՌԴ ԱԳՆ ղեկավար Սերգեյ Լավրովը հիշեցրել է, որ Սիրիայում գտնվող ռուսաստանցի զինվորականները բազմիցս զգուշացրել են, որ քիմիական զենքի կիրառմամբ սադրանք է նախապատրաստվում սիրիական տարածքում. հայտնում է РИА Новости-ն: «Այդ մասին զգուշացրել է նաև սիրիական կառավարությունը»,- նշել է նա:

Լավրովն ընդգծել է, որ ռուսական կողմը դեմ չէ հետաքննության անցկացմանը:

Խոսելով Սիրիայում ռազմաբազային հասված հարվածի մասին` նա ասել է, որ այդ հարցում նույնպես հետաքննություն է պետք:

Երեկ տեղեկություն էր հայտնվել այն մասին, թե Ասադի ռեժիմն իբր քիմիական զենք է կիրառել Դումա քաղաքում, հաղորդվել էր զոհերի մասին: Ավելի ուշ սիրիական Հոմս նահանգում գտնվող «Տ-4» ավիաբազան ենթարկվել էր հրթիռակոծման: