Մենք հիշում ենք` ինչ մեղրամսից հետո Թուրքիան թիկունքից խփեց Ռուսաստանին. Շավարշ Քոչարյան

Կառավարության նիստից հետո լրագրողները ԱԳ փոխնախարար Շավարշ Քոչարյանից հետաքրքրվեցին` ի՞նչ է մտածում Հայաստանի ռազմա-քաղաքական ղեկավարությունը, երբ ռուս-թուրքական հարաբերությունները մերձենում են այն աստիճանի, որ ռուսական զենիթա-հրթիռային C-400 համակարգերի վաճառքը Թուրքիային Ռուսաստանը համարում է առաջնահերթություն:

«Դե էդտեղ մտածելու հարց չի, ամեն մի պետություն ունի իր շահերը: Այս պարագայում Ռուսաստանի ու Թուրքիայի շահերը համընկնում են: Մենք պետք է դա հաշվի առնենք և ուշադիր հետևենք, մեր եզրակացությունները անենք»,- ասաց փոխնախարարը:

Իսկ թե ինչպե՞ս կանդրադառնա Հայաստանի ազգային անվտանգության վրա ռուս-թուրքական շահերի համընկնումը, Շավարշ Քոչարյանը պատասխանեց. «Եկեք շատ առաջ չընկնենք: Առաջին անգամ չէ: Մենք հիշում ենք` ինչ մեղրամիս եղավ, որից հետո Թուրքիան թիկունքից խփեց Ռուսաստանին: Այնպես որ` կան պահեր, որ կան թե' համընկնումներ, թե' հակասություններ»: