Ստամբուլի մետրոյում անսարք շարժասանդուղքը «կուլ է տվել» երիտասարդի. տեսանյութ

Ստամբուլի մետրոյի կայարաններից մեկում ահասարսուռ դեպք է գրանցվել, երբ անսարք շարժասանդուղքն անակնկալ սկսել է գործել՝ «կուլ տալով» երիտասարդի:

Ըստ Haberturk-ի՝ մետրոյի վագոն հասնել ցանկացող ուղևորները քայլել են շարժասանդուղքով, և այդ ընթացքում այն սկսել է աշխատել: Վայրկյանների ընթացքում երիտասարդը հայտնվել է բացված շարժասանդուղքի մեջ:

1 ժամ տևած փրկարարական աշխատանքներից հետո որոշ վնասվածքներ ստացած երիտասարդին դուրս են բերել այնտեղից:

Հայտնի է դարձել, որ անսարք շարժասանդուղքի մուտքին և ելքին եղել են պաստառներ՝ անսարքության մասին տեղեկացնող, սակայն ուղևորները որոշել են այն հանել՝ չգիտակցելով իրենց սպառնացող վտանգի մասին: