Մխիթարյանը տեխնիկապես լավ ֆուտբոլիստ է. Գատուզո

Եվրոպա լիգայի 1/8 եզրափակիչի պատասխան խաղում «Միլան»-ն այսօր Լոնդոնում կմրցի «Արսենալ»-ի հետ: Իտալական թիմի գլխավոր մարզիչ Ջենարո Գատուզոն նախախաղային ասուլիսի ընթացքում խոսել է լոնդոնյան թիմի հայ կիսապաշտպան Հենրիխ Մխիթարյանի, ինչպես նաեւ իր թիմի` հաջորդ փուլ դուրս գալու շանսերի մասին: 

«Անգլիա տեղափոխվելուց հետո Մխիթարյանը բարելավել է իր խաղը: Նա տեխնիկապես  լավ զարգացած ֆուտբոլիստ է: Մեզ դժվար խաղ է սպասվում, բայց այսօր մենք բոլորովին այլ խաղ կցուցադրենք: Շատ լավ ենք պատրաստվել այս խաղին, կանենք հնարավոր ամեն ինչ, քանի որ ոչինչ չունենք կորցնելու»,- Գատուզոյի խոսքերն է մեջբերում «Calciomercato»-ն:

 Հիշեցնենք, որ «զինագործներն» առաջին խաղում հաղթել էին 2:0 հաշվով: