«Մարդ եղեք». Էրդողանի կուսակիցները՝ կին պատգամավորներին

Թուրքիայի խորհրդարանում հերթական ծեծկռտուքն է տեղի ունեցել:

Ըստ Demokrathaber-ի՝ այս անգամ պատճառը եղել են Աֆրինում ընթացող ռազմական գործողությունները, որոնք, ըստ քրդամետ Ժողովուրդների դեմոկրատական կուսակցության պատգամավոր Մահմութ Թողրուլի, «էթնիկական բնաջնջման» նպատակ են հետապնդում: Պատգամավորի այդ հայտարարությունից հետո ծագած վեճը վերածվել է ծեծկռտուքի: Իշխող «Արդարություն և զարգացում» կուսակցության պատգամավորներից մի քանիսը հարձակվել են քրդամետ պատգամավորների վրա, ինչի հետևանքով վիրավորվել է քրդամետ կուսակցության երկու անդամ:

Ծեծկռտուքի ընթացքում կողմերին հանդարտվելու կոչ անող ԺԴԿ-ական կին պատգամավորներ Մերալ Դանըշն ու Ֆիլիզ Քերեսթեջիօղլուն վիարավորանքների են արժանացել իշխող կուսակցության պատգամավորների կողմից: «Մարդ եղեք»,- դիմելով կանանց` գոռացել են Էրդողանի կուսակիցները: