ԼՂ հակամարտության` ռազմական ճանապարհով լուծում գոյություն չունի. ամերիկացի համանախագահ

ԼՂ հակամարտության` ռազմական ճանապարհով լուծում գոյություն չունի: Այդ մասին «Թրենդ» գործակալությանը տված հարցազրույցում ասել է ԵԱՀԿ Մինսկի խմբի ամերիկացի համանախագահ Էնդրյու Շոֆերը:

Նա ընդգծել է, որ ԱՄՆ-ն աջակցում է ԼՂ հակամարտության բանակցային գործընթացին և կշարունակի ակտիվ համագործակցել Հայաստանի ու Ադրբեջանի հետ՝ որպես ԵԱՀԿ ՄԽ համանախագահ:

«Մենք համոզված ենք, որ ներկայիս ստատուս քվոն չի կարող պահպանվել երկարաժամկետ հեռանկարում, և որ ԼՂ հակամարտությունը ռազմական ճանապարհով լուծում չունի»,- նշել է նա:

 Անդրադառնալով ԵԱՀԿ գործող նախագահի անձնական ներկայացուցչի  գրասենյակի ընդլայնմանը` Շոֆերը նշել է, որ այդ քայլը շփման գծում լարվածության նվազեցման համար միջոցներ ձեռնարկելու` կողմերի ցանկության վկայությունը կդառնա: